Gummi Jonsson

2004-02-27T15:53:00.000Z

Daginn.. þá er maður kominn heim eftir erfiða skólaviku. Sólin farin að skína alla leið niður í bæ eftir nokkurra vikna fjarveru. Opnir dagar verða brátt í skólanum en heldur finnst mér úrvalið af námskeiðum og slíku lítið. En það verður vafalítið mun skemmtilegra heldur en að vera í skólanum. Svo líður nú að Barkanum þar sem bræður munu berjast um sigurinn.
Einnig styttist í að ég skelli mér til Reykjavíkur þar sem ég og Garðar munum að öllum líkindum sjá Damien Rice á Nasa. Fyrir ykkur sem hafið áhuga hefst miðasala í Skífunni þann 10.mars.
Það er hins vegar synd og skömm (pity) að strákarnir í Miri munu spila nokkrum dögum seinna á Músíktilraunum og það væri gaman að sjá drengina, en maður skellir sér varla tvisvar suður á nokkurra daga fresti.

Ef svo vel vill til að þið verðið fyrir sunnan þegar þeir spila(sem ég veit ekki alveg hvenær er) þá hvet ég ykkur eindregið til að mæta og styðja dddrengina.

2004-02-22T01:31:00.000Z

Komið þið sæl. Á föstudaginn skellti strákurinn sér á ball á neskaupstað og var það skítsæmilegt, ég komst reyndar að því á egilsstöðum að helminginn af mjólkinni minni vantaði og hafði verið eftir á seyðisfirði(my bad) en heppni var að ég hafði ekki drukkið mikið af mjólk síðan um áramótin þannig að mjólkin hafði meira að segja heldur en ella! eftir þessa leiðinlegu uppgötvun lagði ég af stað ásamt nokkrum glansandi köppum(ívari dag, sveinbirni, böðvari og bergþóri). Bergþór var ökuþórinn og var farartækið hinn sögulegi Súbarú sem hefur farið margar djammferðirnar í gegnum árin.

DJ Bloggvarður (böðvar) var shotgun og DJ-aði af stakri snilld(enda hlýddi hann okkur í einu og öllu). Ballið var bara sæmilegt en hefði getað verið mun betra.

Árni Gautur Lárusson er búinn að laga bloggið sitt og ég lagfærði linkinn hans. Ég hygg einmitt einnig á uppfærslur á þessu bloggi og ætla að byrja á því að breyta útlitinu.. einnig er ég að melta hugmyndir um að fara að skipta um vefsvæði til að hrista almenninlega í þessu.
Verið því dugleg að kíkja inn og gá að breytingum.

take care now, bye, bye then.

2004-02-16T17:17:00.000Z

Góðan dag, kominn aftur, eftir drjúgt hlé. Löng helgi hér um bil liðin, og var þessi helgi ekkert merkilegri en aðrar venjulegar helgar. Ég átti kost á að fara til Akureyrar um helgina og skemmta mér þar en ákvað að sleppa því. Ástæðan er þó ekki sú að mig langaði að eyða úrvals tíma hér heima enda varla neitt að gera, ástæðan er sú að ég fórnaði þessari ferð fyrir að minnsta kosti eina aðra og jafnvel tvær. Ég stefni að því að fara til Akureyrar seinna í vetur á hina árlegu brettahátíð Ak Extreme og stefni ég líka að því að fara til Reykjavíkur, bæta fyrir hina glötuðu helgi sem fór í súginn í janúar, skella mér á tónleika og hitta trausta félaga. Þar sem fé mitt flæðir ekki úr vösum mínum á þessari stundu varð ég að velja og "the results are in, amigo, whats left to ponder?" -þ.e.a.s. úrslitin liggja fyrir.

Skóli hefst á ný á morgun, er farinn að kyrja, takk fyrir og bless.

2004-02-07T13:54:00.000Z

Góðan daginn, ég er mættur, vitanlega í frábæru skapi!

af hverju, kunnið þið að spyrja? tjah, til dæmis vegna þess að mr. Damien Rice, er á leiðinni hingað til lands að halda tónleika þann 19.mars. Ég geri mér vonir um að komast á tónleika með þessum Írska náunga. Ég er líka í frábæru skapi vegna þess að í dag er merkur dagur. Úti er ótrúlega mikill snjór og hefur annað eins magn ekki sést í mörg ár, veðrið er heldur ekki svo slæmt, smá vindur en enginn stormur eins og er annarsstaðar. Það verður því alveg magnað að komast á bretti þegar skíðasvæðið opnar og leika sér í þessum elskulega snjó.

take care now, bye bye then

2004-02-03T21:07:00.000Z

gute nachten.. ég er mættur aftur, jújú.. og nú á þriðjudegi. Og hvað þýðir þriðjudagur? jú, mikið rétt.. BANDÝ!!! Bandý, bandý bandý!!
á eftir er bandý en á morgun er skóli.
Úti geisar illviðri, vona hann sé í ðí.
Þá er ég vissulega að tala um hinn margumtalaða Helga Ómar.

Um helgina var sæmilegt.. ég fór í gamla risk með bergþóri, ívari, danna og jóni kolbeini.
já, riskið var eiginlega ekki samt án böðvars, en engu að síður var þetta bara alveg ágætis afþreying.
Jón Kolbeinn, "sá nýi" kom, sá og sigraði í þessu spili með því að klára missionið sitt, sem var að útrýma bláa hernum, en blái herinn var einmitt Bergþór og var Bergþór því síðastur.. Þessar fréttir ættu að gleðja Böðvar, en þegar að Risk kemur á Böðvar engan meiri óvin en Bergþór.

já, fjandskapurinn er vissulega mikill þar á bæjum..

chiao

2004-01-28T23:05:00.000Z

Góða kvöldið, í kvöld er heil vika síðan ég bloggaði síðast en ég komst einmitt að því að tíminn líður ótrúlega hratt(þrátt fyrir að hann sé afstæður) þegar maður er ekki heima veikur. Síðast þegar ég bloggaði var ég einmitt veikur heima og hafði ekkert að gera. En maður er kominn aftur í skólann eftir kærkomið en tilbreytingarlaust og leiðinlegt frí.

Það er harla lítið sem gerst hefur á þessari vikur sem liðið hefur frá síðustu viðkomu minni hingað.
Um helgina var þorrablót á seyðisfirði og ég fór ekki. Þess í stað gerði ég ekki neitt. Broken Social Scene.

Í þessari viku hef ég stundað töluverða útivist, er búinn að fara á bretti síðustu tvo daga, það var frábært að öllu leyti að komast út í óbyggðirnar.

Meira hef ég ekki að segja að þessu sinni.

Mig langar að ítreka ótakmarkaða reiði mína vegna lélegs árangurs lesenda við að kvitta í meine Gestebog. Þið getið þetta! EF erfiði ber árangur eru töluverðar líkur á að ég planti til að mynda einni sögu inn í söguhornið hjá mér.

2004-01-21T00:06:00.000Z

Gott kvöld, núna er ég loksins kominn aftur til að rita niður eitt og eitt orð.

Ég hef ekki skrifað neitt niður síðan þann 4.janúar, og í dag er kominn 20. janúar.
Já, það má með sanni segja að tíminn sé fljótur að líða enda virðist ekki langt síðan maður fór á áramótaball.
--------------------------------------------
Það má með sanni segja að margt hafi á daga mína drifið síðan ég kom hér við síðast en þess má geta að ég bar sigur úr býtum í RISK þar sem ég Bergþór, Árni Geir og Böðvar tókumst á í baráttu um WORLD DOMINATION. Sigurinn var kærkominn þar sem ég náði að svara fyrir mig eftir að hafa tapað fyrir Böðvari áður í RISK.

Einnig hóf ég skólagöngu á ný eftir jólafrí og hófst skólinn snemma í janúar.

En víkjum okkur nú að neikvæðu fréttunum.. Um helgina (nánar tiltekið á föstudag) skellti ég mér til Reykjavíkur og ætlaði ég mér að versla örlítið, hitta vini og fara í bíó á hina mögnuðu Return Of The King, og hafði ég frestað því að fara á hana á Egilsstöðum til að geta farið á hana í lúxussal. Þið gætuð svosem haldið að þetta séu þessar neikvæðu fréttir sem ég minntist á en þar hafið þið rangt fyrir ykkur.

Það gekk allt vel en eftir að ég lenti hitti ég ættingja og skellti mér svo í leiðangur niður í bæ og verslaði mér eitt gott eintak af úlpu. Svo um kvöldið, þ.e. föstudagskvöldið slakaði ég bara á hjá ættingjum og horfði á Idol. Seinna um kvöldið sat ég fyrir framan imbann og horfði með athygli á mynd um brjálaðan, kolklikkaðan og ruglaðan mann sem sorteraði fólki í "Djöfla sem ég verða að tortíma" og "Fólk sem má lifa því það hefur ekki syndgað". Þegar endirinn á myndinni nálgaðist fékk ég svo verk í eina af mínum annars vel hirtu tönnum og fór ég til tannlæknis daginn eftir þjakaður af sársauka. Ég komst m.a. að því í þessari heimsókn til þessa tannlæknis að ég var með sýkingu í tannrótinni og var ég kvalinn af "hræðilegum afbrigðum af Karíusi og Baktusi" það sem eftir var af helginni, gat ekki farið í bíó né hitt neina af félögum mínum þarna fyrir sunnan.
3/4 af helginni fór því í súginn.
Niðurstöður: Ömurlega misheppnuð helgarferð til Reykjavíkur.

já, þannig fór um sjóferð þá. En nú hafið þið eitthvað til að lesa um og ég mátti til með að skrifa eitthvað hér niður þar sem ég hef allan tímann í heiminum til að gera það, en þess ber að geta að ég er næstum rúmfastur vegna þessarar sýkingar sem ég var svo heppinn að hljóta.

Góða nótt

2004-01-04T18:11:00.000Z

"shalom, shalom" eins og kunnur maður orðaði það eitt sinn. ég er kominn aftur á nýju ári eftir nokkurra daga frí. Það er ekki ýkja margt sem borið hefur á daga mína að undanförnu, annað en að ég fagnaði nýju ári og kvaddi það gamla á aðfaranótt Nýársdags. Til að fagna þessum tímamótum skaut ég upp flugeldum og fór á dansleik.
Það var mjög gaman á dansleiknum, en þar voru hinir ýmsu DJ-ar bæjarins ásamt hinni síungu ÞáÞrá og Hljómsveit Egils Þorsteinssonar. Einnig var komið á fót dragshowi og var það meistaraflokkur Hugins sem stóð að þeim illverknaði. Myndir af þessu getið þið nálgast á leynilegri Seyðfirskri síðu sem ég kýs að gefa ekki upp, vegna ótta við að verða fyrir áreiti eða hreinlega hrottalegum árásum.

Það er nú ekki mikið í fréttum en eitt er víst, skólinn er að fara að byrja innan örfárra daga, og hygg ég að það verði sæmilegt til að byrja með, en ekki mikið meira en svo.

Ég þakka fyrir mig og svona að lokum sökum mikils kærleiks sem ríkir milli míns og Böðvars eftir síðasta spil vil ég senda skilaboð til hans: ÞÚ VANNST KANNSKI ORRUSTUNA, EN ÞÚ MUNT EKKI VINNA STRÍÐIÐ!!!

-vertu svo vænn að svara, kæri Bútvar

2003-12-25T18:26:00.000Z

Góðan daginn, og gleðileg jól, öllsömul!!

Já, aðafangadagur loksins yfirstaðinn og jóladagur tekinn við, sem betur fer. Fékk jólagjafir, er þakklátur fyrir hverja einustu.

gleðilega hátíð, kæru vinir. Kærlig julehilsen til Danmark, Begga kusine.

2003-12-20T18:40:00.000Z

Greetings, friends. Ég heilsa með vinakveðju öllum þeim sem lesa þetta. Í dag styttist óðum til jóla, en Aðfangadagur er á miðvikudaginn. Allar bestu fréttir af mér, ég fékk að vita það í gær að ég hefði náð öllum áföngum sem ég hætti mér í í haust, og er ég mjög sáttur við þann árangur. Ég er löngu kominn í jólafrí og ætla að fagna því og góðum árangri í lokaprófunum með heljarinnar djammi í kvöld.
Í kvöld er Kvöld unga fólksins, en kvöldið hefst á kærkomnum tónleikum í Herðubreið, staðsett í menningarbænum Seyðisfirði. Þar spila ýmsir tónlistarmenn tónlist og má þar á meðal nefna félagana í Mírí (veit ekki alveg hvernig það er skrifað) og einnig hluta af The Cocksucker band + Guðmund Ingva saxófónleikara. Eftir þetta tekur svo við diskó á Hótel Öldunni sem verður án nokkurs vafa mögnuð skemmtun.

já, þetta er kvöldið í hnotskurn.

ég hvet alla til að mæta og skemmta sér veel.

Góðar hljómsveitir:

Four tet. Fridge. Mugison.

Check them out!!
bless bless

2003-12-15T11:48:00.000Z

Take my bloody quiz right now!

2003-12-14T23:55:00.000Z

Gott kvöld, hér er ég mættur og hef fregnir að færa. Ég er kominn í jólafrí, og ætlaði ég að fagna því í gær með því að fara á djamm með Stuðmönnum á egilsstöðum, en því miður klúðraðist það þannig að við hættum okkur ekki yfir sökum lélegs skyggnis og mikils skafrennings og/eða snjókomu. já, jólafrí. það hljómar frábærlega en á kvöldum eins og þessum er það hálf-leiðinlegt, vegna þess að ég hef ekkert að gera núna og hangi þess vegna bara í tölvunni og hlusta á frábæra músík frá Damien Rice, en hann er nokkuð góður.

Fyrr í kvöld skellti ég mér í bíóhús Seyðisfjarðarkaupstaðar, Herðubreið og sá þar bíómyndina Kill Bill, Vol.1. Þessi mynd var bara helvíti góð og mér fannst hún bara ein af betri myndum sem ég hef séð. Þessi mynd er óvenjuleg mjög en síðan hvenær var það eitthvað slæmt! :) Ég mæli mjög mikið með þessari mynd.

já, ég nefndi hér síðast að hinsta bandýæfingin fyrir jól hefði verið á síðastliðinn þriðjudag, og hef reyndar sagt þetta áður, en ég hafði rangt fyrir mér í bæði skiptin, því núna á þriðjudaginn verður (samkvæmt Bergvini) síðasta bandýæfingin. Ég og galvaskir félagar ætlum okkur að bruna uppeftir og hvetjum við bandý-dýr til að mæta og taka síðustu æfingunni með trompi.
Ég verð hins vegar að hryggja ykkur með þeim fréttum að Böðvar Pétursson verður ekki með í för, sökum Reykjavíkurferðar hans þessa dagana en þar ætlar kumpáninn að skella sér á forsýningu LOTR: ROTK í Smáralindinni og hef ég heyrt að "Nötrarinn" hafi pungað út fúlgu fjár fyrir bíómiðann.

Fréttir af blogginu eru þær að innan örfárra daga, eða eftir 1,2 eða kannski 3 daga dembi ég mér í uppfærslu á sögusíðunni, það mun koma á óvart, en víst er að síðan verður ekki sú sama eftir þessa uppfærslu. Það er því góð og gild ástæða fyrir ykkur að fylgjast SPENNT með.

g´bye

2003-12-10T15:07:00.000Z

Góðan daginn, minn bara mættur aftur, rokk og ról.

í gærkvöldi var hinsta bandýæfingin og fór hún fram í íþróttahúsinu á egilsstöðum kl.22.00. ég, garðar, böðvar, og bergþór, ásamt söndur rut fórum upp á egilsstaði(flest í þeim tilgangi að taka þátt í þessari ceremónýu, ekki sandra rut) en það var hægara sagt en gert. á textavarpi rúv stóð að hált væri á fjarðarheiði, en viti menn, um leið og við komum upp á heiðina var bara ekkert hált, þið gætuð jafnvel haldið að það séu góðar fréttir. en Nei, allt í einu vorum við stödd í lífsháska þar sem heiðin var illfær fyrir fólksbíla og jepplinga, en þar kom sér vel að við vorum á jeppa, ökumaðurinn brunaði í gegnum snjóinn á 60-70 km hraða og fannst sumum það mikil furða og urðu einhverjir smeykir. Jæja, þegar við vorum komin yfir heiðina, á leiðinni niður hana, héldum við að okkur væri borgið. en það var sko langt í frá, í einni beygjunni missti ökumaðurinn stjórn á bílnum og jeppinn skutlaðist til og frá á veginum en bílstjóranum tókst að halda farartækinu á veginum á meðan hann tók beygju sem var ábyggilega 70-90 gráður (þó ekki U-beygja).

Eftir þetta var öllum í bílnum brugðið og vorum við í spennufalli þegar við komum á bandýæfingu, en þar voru mættir 10 aðrir fyrir utan okkur Seyðfirðingana, og var þetta ein af skemmtilegri æfingum sem ég hef farið á. eftir æfinguna var svo mikill vafi á því hvort möguleiki væri að komast yfir aftur, en við ákváðum að reyna, og viti menn, mest allur snjór var farinn og við komumst yfir heiðina, sem er auðvitað frábært.

Semsagt, mikil lífsreynsla eða "near-death-experience" eins og Mr. Middleton myndi orða það.

góðar stundir

2003-12-08T18:51:00.000Z

góðan dag, eða jafnvel kvöld, klukkan er að nálgast sjö að kveldi til og nokkrar klukkustundir síðan lönd, héruð, vötn og sjór voru umkringd myrkustu myrkrum. já, veturinn er kominn og jólin nálgast óðfluga.
prófin eru byrjuð og komin á fullt,
krakkarnir renna sér niður brekkurnar á sleðum eða (snjó)þotum.
mömmurnar baka og skreyta, feðurnir aka og breyta,
afarnir leita, að jólagjöfum..
-smá "jóla"rím svona í skammdeginu.

já, ég er búinni í tveimur prófum, og á eftir að fara í þrjú próf. þar er það helst félagsfræðin sem ásækir mig í svefni með martröðum og svo er það líka blessðu þýskan. þar fyrir utan fer ég í ensku próf á morgun, það gæti orðið erfitt, en kannski ekki.

svo þegar ég verð loks búinn í prófum verður djammað á laugardaginn, stuðmenn spila fyrir dansi, það verður geggjað stuð.

Eistum, Finnum og Lettum er borgið, kauphallirnar í höfuðborgum þessara landa ætla að ganga til liðs við NOREX, sem er norræna kauphallasamstarfið. en þessar heimsku þjóðir átta sig ekki á því að með þessu eru þær að rústa kauphöllinni hér á Íslandi. Ljóst er að þetta þykja slæmar fréttir fyrir greyið Þórð Friðjónsson, forstjóra Kauphallar Íslands, en honum finnst honum hafa verið komið fyrir kattarnef. já, kallgreyið.

takk fyrir mig, verið sæl.

2003-12-02T20:59:00.000Z

gott kvöld, hér er ég mættur til leiks og klukkan er að verða korter í níu. ég var að koma af hlaðborði á Yfir Borðið, en ástæðan fyrir því var sú að Seyðfirðingar unnu titilinn Bæjarins bestu ´03 fyrir örfáum dögum. já, á veitingastaðnum var pizzuhlaðborð og smakkaðist bara vel. Einnig var verðlaunaafhending en sigrinum fylgdi að sjálfsögðu gullmedalía sem tekur sig vel út á bringum seyðfirðinga.

Við seyðfirðingar unnum samt á því að við fengum meirihluta atkvæða í atkvæðagreiðslunni um besta stuðningsliðið, og vorum eftir það einu stigi fyrir ofan restina(fellabær, borgarfjörður eystri + nærsveitir), og ég tel að þannig höfum við verið vel að sigrinum komin, þar sem við sömdum nokkra söngva og studdum lið okkar til dáða.

Hér við hliðina situr einmitt annar liðstjóra Seyðfirðinga, Böðvar Pétursson, en hann er einnig orðinn bloggari og er það ja.. varla góð staðreynd, mér leiðist að segja það.

ég ætla svo að brenna allri pizzunni og meiru til seinna í kvöld, eða klukkan 22.00, vegna þess að þá verður síðasta bandý-æfingin á þessari önn(sem annars hefur heppnast mjög vel, eða svo ótrúlega vel að ég fékk í morgun annareinkunn í sögu og voru það ótrúlegar tölur. Ég fékk 9 í annareinkunn og sleppi því við að taka lokapróf, sem er frábært.)

Prófin eru að byrja fimmtudaginn 4.desember, eða eftir u.þ.b einn og hálfan dag.

og svo líður að jólunum með öllu tilheyrandi, stressi, slyddu, slabbi, þreytu (sem orsakast gæti af miklum þrifum) og kaupum á jólagjöfum sem og jólaskrauti.

já, ég óska ykkur góðs gengis í prófunum og kveð í bili.

2003-12-01T14:14:00.000Z

Góðan daginn, ég ætla að vekja athygli á linkunum sem ég bætti við áðan, það eru hlekkir á síður þeirra galvösku bræðra, Hákons og Böðvars, en þeir eru einmitt Fatty & Chubby. Ég hvet alla til að kíkja á síðurnar þeirra en þeir eru óhræddir byrjendur í blogg-bransanum og eru því "noob"-ar en það er asnalegt orð sem ótrúlegir irc- og counter-stræk nördar nota yfir byrjandi, þeir nota "noob" semsagt til þess að þurfa ekki að skrifa eins langt orð eða eitthvað í þá átt. Önnur orð sem þeir nota iðulega og ég fyrirlít eru "orð" eins og "lol" sem þýðir víst "laughing out loud" eða hlæ út undan mér, og svo er það auðvitað það nýjasta en það er "ógó" -sem er stytting á ógeðslegur eða viðbjóður.

Já, latir eru þeir, en skarpir.. hehe

góða nótt

2003-11-29T17:20:00.000Z

Góðan daginn, ég hef nún ekki skrifað í örfáa sólarhringa.
Í gærkveldi var 1.des skemmtun sem heppnaðist nokkuð vel, og m.a. sem kom fram var Friðjón Magnússon sem Páll Óskar í Evróvisjón hér um árið. Eftir skemmtunina var svo ball og þar var drukkið og djammað. Hljómsveitin Von spilaði fyrir dansi í Valaskjálf og var hún bara nokkuð góð með ágætum.
Ég skemmti mér dásamlega og ekkert annað sanngjarnt, þar sem maður er að borga 2 þúsund krónur fyrir slíka skemmtan. Ég skemmti mér konunglega með Hjalta fellbæingi og brilliantista, ívari p, garðari, friðjóni magg og fleiri nettum dátum. já, gærdagurinn og kvöldið heppnaðist bara mjög vel og var dagurinn í heild frábær.

En aðrar fréttir af mér eru þær að ég er að hugsa um að reyna að skrifa framhald af hinni kengimögnuðu sögu um Bergþór sem hægt er að finna á sögusíðunni (Tales from thy Dark).

-ég ætla að fara að vinda mér í að reyna þetta, bless á meðan, gute leute.

-------##-------

2003-11-27T14:10:00.000Z

Góðan daginn, ég er hér niðri í tölvuveri að skoða nýtt blogg. það er böðvar pétursson(held ég, gæti sosem verið Bergþór Þorsteins) sem hefur virkt það og er slóðin hérna.

já, böðvar pétursson, enginn annar, sá mikli snillingur.

fleiri fréttir síðar.. ég er ekki neinn helvítis fjölmiðill!!!

#------------#

2003-11-20T22:20:00.000Z

Gott kvöld.

ég hef ekki skrifað síðan á sunnudaginn og það er kominn fimmtudagur.. fimmtudagur. ég fer í helgarfrí heim á seyðisfjörð á morgun. það verður væntanlega ágætt.
í dag hef ég verið iðinn við kolann, reyndar svo ótrúlega iðinn að ég hef engan tíma mátt missa í að skrifa framhald af hinni æsispennandi sögu um Bergþór (fyrir ykkur sem ekki hafa lesið hana, GERIÐ ÞAÐ NÚNA) -söguna má nálgast til hægri, smellið bara á "Tales from thy Dark" en það er einmitt nýja sögusíðan mín þar sem flestar (og jafnvel allar sögurnar mínar munu birtast) en ég hugsa að ég gæti skrifað framhald af sögunni um helgina, þannig að fylgist spennt með!

já, ég er búinn að vera svo iðinn við kolann að ég er orðinn þreyttur, enda klukkan að nálgast 23.00 og þá er ekki nema klukkustund í miðnætti.

ég get lítið meira sagt, og hef jafnan ekki mikinn áhuga á því, þar sem ég fæ lítil sem engin viðbrögð við skrifum mínum, sem einmitt voru gífurleg um síðustu helgi.

Í kvöld ætla ég að benda ykkur á heilar TVÆR(2) hljómsveitir; önnur þeirra heitir Lift to Experience og hin heitir The Polyphonic Spree.
Ég veit eiginlega ekki hvernig ég á að lýsa þessum frábæru hljómsveitum en þær eru báðar frábærar og útlenskar. Ég vill mæla sérstaklega með laginu These are the days með Lift to Experince og laginu Section 7 með Polyphonic Spree.

takk fyrir í kvöld, munið að lesa sögur mínar vel.

Smoke

Smoke

Smoke

Smoke

Are ya smokin´yet?!

2003-11-16T17:21:00.000Z

Góðan daginn.
Vígjun sögusíðunnar fór fram í formlegri athöfn á heimili mínu fyrir fáeinum mínútum síðan.
Það er mér mikil gleði að kynna að þessari síðu hefur verið hleypt af stokkum og er hægt að nálgast síðuna hér til hægri undir nafninu "Tales from thy Dark".

Ég mun setja inn fyrstu söguna eftir skamma stund.

Frekari uppfærslur á síðunni ásamt myndasíðunni verða vonandi framkvæmdar hið fyrsta.

Njótið vel.

2003-11-15T19:23:00.000Z

já halló! ég verð að bæta því við að maður nokkur, Kristófer Ástvaldsson var rétt í þessu að banka að dyrum heima hjá mér, og vildi hann selja mér jólakort til styrktar Íþróttafélagsins Viljans. Þess verður að geta að hann var klæddur Volcom jakka, en Volcom er einmitt nokkuð frægt fatafyrirtæki og ekki síst snjóbrettafatnaðarframleiðslu- og pýramída- fyrirtæki ættað frá N-Ameríku, nánar tiltekið Bandaríkjunum.

já, Seyðisfjörður er ekki allur þaðan sem hann er séður.. og þetta er óskiljanlegt.

ég kveð með vinakveðju til vina minna sem gætu seinna meir reynst vera mínir helstu óvinir og þar með synir feðra sinna sem jafnan gætu verið meira en þrítugir.

2003-11-15T19:06:00.000Z

Ég ætla að benda ykkur frábæru lesendum á að hætta ekki að líta reglulega á bloggið mitt vegna þess að von er á sérstakri "Sögusíðu" þar sem smásögur mínar verða birtar, þær eru talsins orðnar 3 en von er á framhaldi af að minnsta kosti einni þeirra.
Stjórn www.ormursick.blogspot.com bindur vonir sínar við að morgundagurinn sé hugsanleg dagsetning vígjunar Sögusíðunnar, en Stjórnin áskilur sér rétt til að neyðast ekki til að lofa neinu.

Fram til frambúðar, heil vér höldum til rýjunar.

2003-11-15T18:53:00.000Z

Góðan dag, ég hef jafnað mig eftir að ljóst varð að ég kæmist ekki á Muse, og gærkvöldið (sem var nokkuð gleðilegt) átti stóran þátt í því.

Kvöldið hófst á því að síðdegis í gær mættu til mín fáeinir vaskir félagar (garðar, beggi og ívar dagsson) og sötruðum við bjór og snæddum pizzu saman, síðan bættist fjöldinn allur af fólki, t.d árni geir, sigurður birkir og danni dalbakkabúi, eitthvað var um ónefnt kvenfólk til að byrja með. seinna um kvöldið fór fólk að hverfa og aðrir að birtast, og þeir sem birtust voru t.d. gunnar sigvaldason og sveinbjörn jónasson. einnig mætti glaumgosinn friðjón magnússon ásamt nokkrum óðum köppum, en dvöldu þeir heldur stutt og sungu einungis "ole-ole" í u.þ.b 15 sek. og hurfu svo niður í myrkur næturinnar(niður í bæ).
þegar leið á kvöldið voru einhverjir orðnir óþreyjufullir og vildu fara að komast út, og var stefnan tekin þangað, en í því andartaki birtust mennirnir af Ótrúlega safninu í Kaupmannahöfn, þeir verða ónefndir í bili, en má þó geta að einn þeirra er meðlimur í hljómsveitinni The Cocksucker Band. Einnig mættu Seyðfirðingar nokkrir er höfðu komið úr annarri veislu.

ja, eftir nokkuð skemmtilegt spjall um músík og fleira var ferðinni heitið niður í bæ. Gengu flestir út á undan mér og öðrum mögnuðum einstaklingum, en urðu einhverjir viðskila hópnum við Billabarinn. en ég og félagar mínir héldum ótrauðir áfram í átt að ballhúsi bæjarins; Herðubreið, þar sem "Óvissu"ball með "óvissu"hljómsveit var haldið. þar fyrir utan var fullt af fólki og mikil stemning í hópnum. þarna voru saman komnir ME-ingar ásamt fólki úr 2 öðrum skólum, og var annar þeirra Verkmenntaskóli Austurlands á Norðfirði.

Ég hitti Hákon Unnar Seljan sem var hæstánægður með að hafa heilsað Óla Mundu í fyrsta skipti á ævi sinni. Hann var með stjörnur í augunum og var mjög erfitt að fá hann til að hugsa um það sem maður var að segja við litla pollann.

Það var djammað, ja, næstum fram á nótt, en ballinu lauk kl.3, sem er alltof snemmt að mínu og margra annarra mati.
en ég ætla að þakka öllum þeim sem skemmtu sér með mér í gær fyrir dásamlegan félagsskap og ætla ég einnig að senda samúðarkveðjur til hinnar glæsilegu Elísabetar Marenar, sem missti því miður af þessu geysivinsæla balli vegna veikinda.

Hér með lýk ég pistli mínum í bili og farið vel með ykkur, það er kalt úti, ekki vera of hörð við ykkur, þessu lýkur skjótt.

2003-11-13T18:17:00.000Z

Ó mig auman.

já, ó mig auman ER það.. fréttir og umfjallanir um komandi tónleika með Muse í reykjavík og staðhæfingar um að það sé ekkert nema heimska að sleppa tónleikunum fyrir próf hljóma nú sem öskur í haus mínum og valda ógurlegum glæðingum í heilabúi mínu. Þessar glæðingar orsakast vegna öskranna og nú veit ég ekki hvort ég eigi að efast um ákvörðun mína um að sleppa tónleikunum eða gefa skít í einingar og skella mér á þessa tónleika.. en ég held að ég láti skoðun móður minnar ráða úrslitum, vegna þess, ja, hún er jú móðir mín og skelli ég mér því ekki til Reykjavíkur...

Ó mig auman, enn efast ég. finnst ykkur ((g)óðir lesendur) að ég ætti að gefa skít í prófið eða allavega ætla mér að fara á tónleikana eða ætti ég að sleppa því og láta prófið ganga fyrir? endilega segið ykkar skoðun, t.d. í hinu ótrúlega commentakerfi eða bara í Bók gesta minna..

auk þess má nefna að þessar efasemdir mínar eru að eyðileggja fyrir mér tilhlökkunina fyrir óvissuballið sem er á morgun.

þeir dagar sem ég upplifi núna eru þeir slökustu í háa herrans tíð.

diem de carpe, voit le jour, ayez un repas gentil et toute cette connerie!!

au revoir surgeon

2003-11-12T19:30:00.000Z

Gott kvöld, ég er mættur til að boða óskemmtileg tíðindi.

Ég hef ákveðið að neyðast til þess að sleppa því að fara á tónleika Muse 10.desember, vegna þess að ég ætla að ég á að mæta í þýskupróf morguninn eftir tónleikana. Ég er vitaskuld ekki sáttur við þetta og kem til með að iðrast mjög um það leyti sem á tónleikunum stendur og alveg þangað til þeir verða. Mín eina von er að Muse taki sig til og haldi aðra tónleika á sem bestum tíma fyrir mig en líkurnar á því að þeir velji réttan dag fyrir mig eru töluvert litlar.

En ég ætla nú samt að vonast eftir kraftaverki og vona að guð geri mér þann greiða að valda því að einhver seinkun verði á tónleikunum eða eitthvað slíkt.. en líkurnar á því eru einnig sáralitlar.

ég hvet hins vegar alla þá sem hafa áhuga og tíma til að fara á þessa tónleika að gera það vegna þess að þetta er tækifæri sem enginn ætti að missa af vegna þýskuprófs eða útaf einhverju öðru ömurlegu.

góðar stundir gott fólk

2003-11-11T21:37:00.000Z

Góða kvöldið, ég er enn mættur til leiks til að deila með ykkur vitsperlum mínum, eða þannig...

Það eru ekki alveg nógu góðar fréttir sem ég flyt í kvöld, en mjög ólíklegt þykir að ég komist á tónleikana með Muse í Höllinni þann 10.desember, sem vafalaust verða frábærir og guðdómleg skemmtun fyrir alla sem þykja svo heppnir að komast á. Ég var nokkurn veginn búinn að sætta mig við að missa af þeim fyrr í kvöld þegar ég hitti Hildi nokkra Kareni niðri í tölvuveri, og við kíktum á hvort eitthvað flug væri laust.. viti menn, það var alveg nóg til þá daga sem ég hafði hugsað mér að fara suður og núna iða ég allur í skinninu að reyna að leysa einu alvarlegu hindrunina sem stendur í vegi mínum... að reyna að komast hjá prófi í þýsku 103 morguninn 11.desember klukkan 9, en þess má geta að það er örfáum klukkustundum eftir að tónleikunum lýkur.

Líkurnar á því að ég komist eru því alls ekki miklar, en ég neita að gefast upp... ég ætla að berjast fyrir því að komast á tónleikana þangað til ekkert verður eftir af mér.

Ég lifi enn í voninni, góðar stundir!

Muse eru á leið til Íslands

2003-11-08T22:12:00.000Z

gott kvöld, þetta er bloggsíðan mín, nú les Guðmundur Jónsson stórfregnir.

Hljómsveitin Muse hefur staðfest tónleika sem munu verða haldnir í Laugardalshöll í Reykjavíkinni þann 10.des. já, þetta er satt, þetta las ég á síðu 117 á textavarpinu. Mig langar ótrúlega mikið að hendast suður í einum hvelli 1,2 eða 3 dögum fyrr en fyrir mér standa 2 hindranir:

1. Í fyrsta lagi er óvíst hvort dapurlegur fjárhagur leyfi ferð til borgar óttans eins og margur maður hefur nefnt Reykjavíkina að undanförnu.
2. Í öðru lagi á ég að mæta í próf í þýsku 103 aðeins nokkrum klst. eftir að tónleikunum lýkur, eða kl 09.00 að morgni hins 11.des.

Ef svo frábærlega skyldi fara að fjárhagur minn leyfi mér að fara þá hef ég nokkra kosti til að komast fram hjá hindrun nr.2, þeir eru:

1. Að borga ca. 11.000 kr fyrir flugmiða kl.08.00 að morgni hins 11.des, en þá þarf ég væntanlega að læra fyrir prófið í Reykjavík.
2. Að sleppa prófinu og eiga á hættu að falla í áfanganum.
3. Að finna löggilda afsökun og fá að taka prófið í sjúkraprófi.

ég held að ég byrir á valkosti nr.3.. og ef hann virkar ekki...
ja... þá.. þá held ég að ég verði að líta á þennan draum minn sem farinn, búinn, orðinn að engu, núll og nix, og bíða bara eftir jólunum...
já, ég er farinn að hafa gífurlegar áhyggjur af því að ég komist ekki á tónleika með þessu frábæra bandi..

-kannski skrifa ég á þessa síðu
-kannski ekki
-kannski mæti ég í skólann á mánudaginn
-kannski ekki
-kannski sé ég einhvern aftur
-kannski ekki
-ef ekki, já, ef ekki, ja.. það verður þá bara að hafa það

ég ætla að hlusta á Muse það sem eftir er helgarinnar
njótið helgarinnar

Loksins helgarfrí

2003-11-07T15:40:00.000Z

já, skólinn er búinn, amk fram á mánudag, en þá fer ég í skyndipróf í fél 203 sem verður án efa frábært, og á þriðjudag fer ég í próf í þýsku, og hygg ég að það verði ekki síður gaman. svo fer að líða að djammhelginni ógurlegu, en þar sem ég hef ekki komist á djamm í mánuð þá ætla ég á 2 böll um næstu helgi, annað er óvissuball en hitt papaball. þessa helgi verður allt lagt í djammið og ætla ég að vera búinn að læra allt sem ég á að læra yfir helgina þannig að maður þurfi ekki að fara að nota heilann í dags daglegri þynnku sem kemur til með að ásækja mann laugardag og sunnudag.

en svo fer nú að líða að 1.des skemmtun og svo lokaprófum í skólanum eftir um það bil einn mánuð.. og mér finnst eins og skólinn sé nýbyrjaður. já, og það er nú heldur ekki langt í jólin.. rétt rúmlega 40 dagar..

ég ætla að nota tækifærið og benda ykkur á aðra stórkostlega hljómsveit, The Shins. Þessi hljómsveit er mjög góð og spilar ja, ekki ósvipaða tónlist og Wilco og My Morning Jacket, hún er kannski eilítið súrari, en síðan hvenær var það slæmt. Sum lög finnst mér ekki vera ólík tónlist Davids Bowie, en ekkert af þeim er þó alveg eins og einhver önnur tónlist. Ég mæli eindregið með lögunum When You Notice The Stripes og Know Your Onion, og já bara öllu með þessari mögnuðu hljómsveit.

uruk-hai

2003-10-30T18:52:00.000Z

gott kvöld: enn er ég kominn með tölvu inn á herbergi og sit því í makindum á rúmstokki mínum og rita þetta niður.

það er bara alls ekkert að frétta af mér frekar en venjulega enda gengur venjulegur virkur dagur hjá mér út á að vera í skóla, sofa og læra en ég vil gjarna hafa þann kost fyrir hendi að geta hlustað á ákveðið magn af tónlist...

tónlist, ég veit ekki hvað ég myndi gera ef þetta fyribæri hefði aldrei komið inn í menningu okkar, það hefði sjálfsagt verið e-ð annað sem hefði verið fundið upp og átt hug okkar allan, eins og til dæmis ólaspilun eða eitthvað annað, guð má vita til hvaða ódæðisbragða við hefðum tekið. við hefðum jafnvel tekið uppá því að veiða fisk til að stytta okkur stundir, en þá væri enn minni fiskur í sjónum.

taldandi um fiskveiðar, ég veit ekki hvað við myndum gera ef ekki væri fyrir fiskveiðarnar.. ætli við hefðum ekki tínt lauf af trjánum og borðað þau..

jæja, nóg komið af bulli og vitleysu, ég ætla að benda ykkur á tvær frábærar hljómsveitir sem þið ættuð að minnsta kosti að íhuga að niðurhlaða lögum með.
önnur þeirra heitir My Morning Jacket og hin heitir Wilco. Báðar tvær spila tónlist sem hver sem er ætti að hafa gaman af. þetta er aðallega róleg gítarmúzik og textarnir fjalla um veraldlega hluti, eins og vináttu, ástir, einmanaleika o.fl. (fyrir þá sem halda að þetta sé alveg eins og sigur-rós bara af því að þetta eru ekki þekktar hljómsveitir, þá er það ekki rétt).
EINNIG vil ég benda ÖLLUM á að kynna sér nýju plötu Bang Gang, hún er frábær, hvert eitt og einasta lag á henni. Platan heitir Something Wrong og fékk 3 stjörnur af 4 mögulegum hjá tónlistarblaðinu Rolling Stone. á þessari plötu er lagið Stop, in the name of love, sem er tær snilld. Barði er að meika það í útlöndum, og þá sérstaklega í Frakklandi, en platan hans fékk 3.5 stjörnur af 4 hjá virtu tónlistarblaði þar í landi.

ég er svangur og ætla að bregða mér að borða eða í lærdóm eða eitthvað annað.

more later, goodbye

2003-10-28T19:08:00.000Z

góða kvöldið..

reporting frá tölvuveri ME; þar sem hlutirnir gerast!

það er ekkert að frétta en ég er að gera verkefni um Tyrkjaránið í sögu, ef e-r sem les þetta er sérstaklega fróður um þennan harmleik sem átti sér stað árið 1672, þá má sá hinn sami endilega senda mér e-mail ef hann nennir.. eða bara hafa samband við mig undir 4(eða fleiri) augu..

ég vil lýsa óánægju minni með feimni eða leti lesenda minna að tjá skoðanir sínar í gestabókina.. kannski er ástæðan sú að nafnið er villandi; "BÓK GESTA MINNA", eða það að það eru engir lesendur.. ég veit bara ekki, en hér með tileinka ég þennan litla blett á síðunni minni gestum þessarar síðu og gef ykkur leyfi til að nota hana til alls.. jafnvel hrókasamræða um hesta eða hvað sem þið viljið.. þið megið endilega ávíta hvort annað og beita ljótu orðbragði í garð hverra sem þið viljið..

en eins og ég sagði áðan er ekkert að frétta og ég ætla því bara að kveðja
bless

2003-10-12T19:00:00.000Z

góðan daginn, þá er helgin senn á enda og tókst hún með endemum vel, í það minnsta hjá mér.

ég fór á ball á föstudaginn var og skemmti ég mér bara mjög vel og þykir það einsdæmi hjá mér, aðallega vegna þess hversu lítið ég hafði drukkið áður en ég fór inn á ball. ég var semsagt næstum því edrú þegar ég fór inn og ég skemmti mér ekkert allt of vel til að byrja með..
.. en það rættist svo sannarlega úr því og hef ég bara ekki skemmt mér svona vel á balli í mjög langan tíma.

þannig að það er bara alveg frábært en ég verð nú að segja það að ég undrast mjög hversu vel ég skemmti mér miðað við lítið magn áfengis í líkamanum mínum en ég hef held ég ekki farið svona vel að gáður (fyrir þá sem eru stupido: lítið drukkinn) á ball í mjög langan tíma, ábyggilega ekki í ár eða meira.
=gífurleg tímamót í lífi mínu.

í gær fór ég svo heim og horfði á Íslensku víkingana keppa við Þýsku landkrabbana í knattspyrnu, eins og allir vita (þetta þýðir að ef þú veist þetta ekki þá ertu ekki allir, og þar af leiðandi annaðhvort af annarri plánetu eða stökkbreyttur) enduðu Þjóðverjar í 2. sæti á HM 2002. Leikurinn hófst bara ágætlega, þrátt fyrir að Ísl. hafi fengið á sig mark strax á 9.mín sýndum þeir að þeir létu ekki slá sig út af laginu og spiluðu ágætlega og sköpuðu sér fín færi.
Seinni hálfleikurinn byrjaði vel, og ekki leið á löngu þar til Íslendingar voru búnir að jafna gegn heimsklassaþjóðinni!!! ég, í stressi mínu vissi ekkert hvað ég átti að gera og eins og svo margir aðrir bregðast við stökk upp úr sófanum og öskraði með hendur upp í lofti: JJJJJJÁÁÁÁ!!!! ásamt minni ástkæru móður sem einnig virtist ekki hafa hugmynd um hvernig hún ætti að bregðast við. ég brá á það ráð að hringja í föður minn í þem tilgangi að segja honum þessar gífurlegu gleðifréttir, en þá rak ég augun í átt að skjánum að hinum rússneska dómara sem hafði dæmt markið af vegna meintrar bakhrindingar.. helv***** dóm***!! persónulega fannst mér hann hliðhollur þjóðverjum..
jæja, íslendingar urðu greinilega svekktir en þjóðverjar refsuðu fljótt: boltinn fór fram og á augabragði var staðan orðin
2-0 í staðinn fyrir að hún gæti verið orðin 1-1, og íslendingar orðnir vængbrotnir á báðum vængjum! vonleysi íslendinga birtist í kraftminni leik en ísl. reyndu þó að bíta e-ð frá sér. Þjóðverjarnir, sem höfðu tvöfaldað sjálfstraust sitt á nokkrum sekúndum voru hins vegar mjög kraftmiklir og sóttu hart að íslenska markinu. árni gautur stóð sig vel og náði að verja nokkrum sinnum mjög vel en eftir að Miroslav Klose kom inn á, óþreyttur, átti hann sér litla von þar sem Kevin Kuranyi var einn á móti marki og setti 3ja mark þjóðverjanna. svo bárust fregnir af því að skotar væru að vinn litháa gegn gangi leiksins þar og var þá út um draum íslendinga, sem ég er samt stoltur af, þeir stóðu sig vel bæði hér heima og úti og eiga hrós skilið!

gute nacht!

2003-10-09T19:02:00.000Z

gott kvöld... hér ligg ég í mestu makindum inni í mínu herbergi og heyri Eið smára Guðjohnsen tala frá þýskalandi...

ég spilaði nýja leikinn sem sveinbjörn og böðvar bjuggu til um daginn og hefur fengið heitið "Óli".

Leikurinn er þannig: allir sem taka þátt í honum heita Óli á meðan á honum stendur. svo á maður að rúlla tíu krónu peningi meðfram ganginum á heimavistinni eins langt og maður getur og sá sem nær að rúlla peningnum lengst fær viðurnefnið "mundu" aftan á "óli" þannig að hann er kallaður Óli Mundu, sá sem nær næstbesta árangrinum er kallaður Óli Péturs og sá sem nær þriðja besta árangrinum er kallaður Óli læknir. allir þessir menn eru seyðfirðingar en við þetta má bæta að leikurinn hét til að byrja með "Skúli" en var fljótlega breytt í "Óli".

ja, ég spilaði þennan leik í gær og náði svo góðum árangri að ég er "Óli Mundu", ég er semsagt í fyrsta sæti, en þar var fyrir Ívar pétur og situr hann nú með sárt ennið í titlinum "óli péturs", þótt það sé nú ekki alslæmt. í titlinum "óli læknir" eða 3ja sæti situr svo böðvar péturs, einn af stofnendum þessa nýja og frumlega leiks.

já, það eru alveg ótrúlegir hlutir sem gerast ef eirðarleysi grípur um sig á þessari heimavist.

en ég ætla að kveðja núna og fara að fá mér eitthvað að borða.

ritari var guðmundur jónsson og þæginda-provider* var böðvar pétursson

*-fyrir að leyfa mér að nota ferðatölvu sína til að rita þetta niður í kytru minni á heimavist ME.

2003-10-04T13:55:00.000Z

góðan daginn.. nú hef ég ekki skrifað í rúmlega viku og er það ekki mjög gott
já, ekki svo margt að frétta en ég skellti mér upp á egilsstaði á síðasta laugardag og voru með mér í för þeir garðar og bergþór og var ætlunin að djamma langt fram á nótt ásamt alls kyns gerðum af fólki..
kvöldið byrjaði á því að ég þurfti að skutla öllum út um allt á family wagon foreldra minna, en þá var nú gott að hann er 7 manna... :=)
loksins komumst við félagarnir þó í gleðskap hjá ásgeiri, og var þar mannfögnuður mikill, eiginlega of mikill enda var þetta tvíbýli.. það endaði með því að húsið var tæmt og héldu allflestir ef ekki allir til örnu þar sem gleðskapur var einnig mikill, enda um stærra og betra húsnæði til mannfögnuðar að ræða.
þegar þangað var komið var ég ásamt fleirum orðinn í góðu skapi og góðum kjörum til gleðskapar, og skemmti ég mér allvel þarna...
ja, þegar klukkan var eitthvað farin að nálgast miðnætti mættu allnokkrir lögreglumenn og vildu fá að tæma húsnæðið og spilla partýinu..
við neituðum að sjálfsögðu en þá tók ekki betra við, lögreglumennirnir, sem voru vel búnir vopnum, réðust inn og tóku nokkra fyrir í einu og lúbörðu með kylfum sínum þangað til þeir voru annaðhvort rotaðir, mjöög illa slasaðir eða hreinlega dauðir, þá tóku þeir fleiri og fleiri og fleiri þangað til allir voru steindauðir..

neinei, auðvitað samþykktu allir að fara út enda flestir sauðdrukknir og þar af leiðandi samvinnufúsir.. lýðurinn hélt þá í átt að valaskjálf þar sem ætlunin var að fara á ball og skemmta sér betur en nokkur maður nokkurn tíma í samtímanum..
það tókst allnokkrum og skemmtu þeir sér langflestir eins vel og hægt var...
...það var nokkuð öðruvísi hjá mér, en ég fór heim að sofa fyrir klukkan eitt, og hafði ég þá týnt góm mínum, en sem betur fer fann ég hann morguninn eftir

ja, svo brunaði ég bara heim daginn eftir, skrifaði langan og mun betri pistil um kvöldið en þennan, en hann eyddist og nennti ég ekki að skrifa hann aftur! :-<

svo var það bara skóli í nýliðinni viku og um helgina gerist ég sjómaður... sail on, sail on, to the fish which we fish, fish fish, fish!!

en það er löng helgi núna og ætlaði ég að nýta mér hana til slökunar en ákvað frekar að fiska og geta jafnvel aflað mér einhverra tekna..

so long for now, goodbye

2003-09-26T15:26:00.000Z

jæja góðan dag...

það er ekki mjög margt sem gerst hefur þessa viku sem ég hef ekki skrifað eitt aukataekið orð á síðuna mína... það gerist varla neitt sem vert er að segja frá hér.

eins og ég tók fram á síðasta föstudag megið þið búast við því að myndir komi brátt upp....

ja, gleymið því bara í bráð.. ég hef ekkert gert í þessum málum og held að ég geri það ekki næstu vikurnar sökum leti og áhugaleysis....

kveðja

2003-09-19T18:39:00.000Z

halló halló. nú er ég staddur heima pa seydisfjord og hef ekkert að gera...

enn ein skólavikan búin og það er kominn 19.september... mér finnst eins og ég hafi verið í reykjavík í síðustu viku en var það í raun fyrir mánuði eða eitthvað.

já, þetta líður svo sannarlega hratt og er hálf-tilbreytingalaust finnst mér... en vonandi fer eitthvað sniðugt og skemmtilegt að ske brátt, og jafnvel eitthvað djamm :-)

fréttir af heimasvæði mínu eru þær að ég stefni að því að setja upp myndir á síðuna í nánustu framtíð.. þannig að ég hvet ykkur til að fylgjast með því!

en þangað til næst, góða ferð

2003-09-18T20:35:00.000Z

halló, það er kominn fimmtudagur og hef ég ekki bloggað í nokkra daga...
mér hafa borist einhverjar kvartanir einhverjir hafa röflað í mér um að fara að blogga meira og fleira skemmtilegt.
ég hef bara haft svo mikið að gera að maður kemst varla að tölvunni... jájá, svona er menntaskólinn.
en í kvöld hef ég nákvæmlega ekkert að gera þannig að núna gæti ég svosem skrifað heilu blaðsíðurnar en ég hef bara svo lítið að segja að það nægir varla í eina síðu, ég hef svo lítið gert undanfarið annað en að vera í skólanum og læra... og þess á milli er ég bara að slæpast.

góðu fréttirnar eru þær að það er ekkert djamm framundan, það er allavega einn kostur við það, þá þarf ég ekki að eyða peningum og heilsu í fyllerí.. gallinn við það er hins vegar að þá er eiginlega ekkert gaman, þá þarf ég að fara heim(sem er nú reyndar ekki alslæmt) en þar er bara ekkert að gera... nema hanga í tölvunni og horfa á sjónvarpið.... jafnvel rúnta en það er nú lítið gaman...

en ég ætla þá bara að kveðja.... góðar stundir

2003-09-12T20:05:00.000Z

gott kvöld meine kinder....

það bjargaðist allt í dag og er ég loks búinn að jafna mig á sjokkinu sem ég varð fyrir er allt hvarf í dag.... planið fyrir helgina er það að jafna mig á bölvaða kvefinu sem ég varð fyrir barðinu á í vikunni og læra heima samviskusamlega...

ég held að maður ætti að slaka á um helgina, bara til öryggis (þá hefur maður kannski efni á djammi næstu helgi ef eitthvað verður)

en ég kveð alla leið austan af seyðisfirði og bið að heilsa!

2003-09-12T16:13:00.000Z

góðan dag

jább, eftir mikinn dugnað síðustu mínúturnar hef ég sett fjölmarga tengla inn á síðuna... en gestabókin er ekki sú sama :-( eins og ég hef áður beðið um bið ég ykkur VINSAMLEGAST að skrifa eitthvað skemmtilegt til mín ef þið kíkið hingað inn....

Tsusch!

2003-09-12T15:58:00.000Z

halló... ég gerði reginmistök rétt í þessu... ég gerði miklar útlitsbreytingar og urðu þær til þess að gestabók mín ásamt tenglum hurfu út í buskann... ég er nú að laga þetta og verður þetta væntanlega tilbúið eftir ja.. ekki svo langan tíma

danke schun

2003-09-11T21:36:00.000Z

já gott kvöld...

ég var að hoppa inn úr sundlauginni á egilsstöðum, og var ég staddur þar sökum "næturboltaleiks" þar. -en það er önnur saga

í gær skellti ég mér á töffarakvöld þar sem spilað var Magic og rabbað saman... það var ágætt chill, og leið kvöldið jafn lengi og þegar lifandi manneskja tekur ákvörðun um að hreyfa litlu tá og sendir boð alla leið niður...

ég hef bara eiginlega ekkert að segja nema það að ég er mjög upptekinn þessa dagana við að dæla rusli inn á síðuna mína, þ.e.a.s linkum og fleiru.

ég veit að ég á enn margt eftir ólært um blogg-heiminn en ég held bara áfram að prufa mig áfram og leika mér.
ég er einnig að hugsa um að setja inn svosem eina sögu skrifaða af mér inn á síðuna en ég hef ekki tekið ákvörðun...

eins og ég nefndi hér áður hef ég ósköp lítið að segja og kveð því bara og hvet alla þá sem eru að lesa þetta að skilja endilega eftir einhver smá skilaboð í gestabókinni minni

hej, jeg hedder line, jeg kan godt lide at spise kylling, med flødeskum... mmmm.. flødeskum med fisk.

2003-09-10T13:03:00.000Z

aloha!

í dag er ekkert skemmtilegt

það er bara skóli og ekkert inn á milli

ég er þreyttur

setti upp linka hjá árna geir og bylgju sem ég veit ekki hver er en hún skrifaði í meine gestebog svo ég skellti upp einu stykki link

í gær fór ég í bandý

meiddist í höku

á meðan ég var í bandý og heyrði nafnið "Hallur" datt mér í hug orðið "hamur", ég veit ekki af hverju en nenni ekki að pæla

ef einhver kann skil á orðinu "hamur" (einhver önnur skil heldur en þessi: "ef maður er í góðum HAM er maður í góðu skapi eða stuði") má hann endilega segja mér það í fyrstu persónu, undir fjögur augu eða bara í "BÓK GESTA MINNA"

2003-09-08T23:41:00.000Z

góða kveldið öllsömul... eins og áður hefur komið fram setti ég upp gestabók í gærkveldi og kíkti ég á hana fyrir stundu síðan.. þá voru TVEIR búnir að skrifa í hana og er það nú þónokkuð mikið meira en ég hafði búist við, þar sem allir eru eða ættu að vera uppteknir við að leggja hönd á lærdóm og þjappa saman upplýsingum í heilabú líkama sinna.. þannig að ég er ánægður með þetta... markmiðið var þó að vera kominn með u.þ.b 100(0) skráningar í enda mánaðarins en ég held samt að það sé eilítið óraunhæft markmið.

ég fer að setja upp einhverja Linka eða "tengla" á aðrar síður og vænti ég þess að tenglar inn á þessa síðu fari að skjótast upp á stjörnuhimininn á næstu grösum(dögum).

segðu ekkert, hafðu hljótt....
......það er nægur tími.....
.....segi það seinna..

góða nótt

+/+
- - - -

p.s. ef þið ætlið að skrifa í BÓK GESTA MINNA þurfið þið að reyna að opna hana 2svar... allavega hefur það verið niðurstaðan í rannsóknum mínum í kvöld (að þið þurfið að reyna 2svar!

2003-09-07T20:45:00.000Z

gott kvöld

hef ég setið önnum kafinn við talsverðar breytingar á útliti síðu minnar auk þess sem ég setti upp eitt stykke gestabók sem þið getið séð hér til hægri undir dulnefninu "BÓK GESTA MINNA". ég ætla að biðja þá sem kíkja á síðuna mína vinsamlegast að skrifa eitthvað skemmtilegt í gestabók mína, og greina RÉTT frá nafni sínu og öðrum upplýsingum um sjálfan sig. Einnig vil ég koma því á framfæri að ég hef ekki mjög mikinn áhuga á því að lesa eitthvað aumt skítkast sem sumir kunna að missa sig út í að láta út úr sér.

að lokum vil ég svo biðjast afsökunar á því að flestir ef ekki allir íslenskir stafir (eftir rannsóknir virðast það aðeins vera ísl. stafir) eru minni en aðrir stafir... ég hef ekki hugmynd um ástæðu þessa séríslenska fyrirbæris en það kom til skjalanna eftir útlitsbreytingu hér áður í kvöld... ég kann ekki enn að laga þetta og bið ykkur því að bíða róleg á meðan frekari rannsóknir verða gerðar.

takk f. gott hljóð

2003-09-07T18:49:00.000Z

góðan daginn... ég hef ekki skrifað á síðu mína í næstum 2 vikur.. og það er alls ekki nógu gott.

dagurinn er ágætur... fyrir utan það að slappleikinn hefur tekið völdin í líkama mínum... ég tel að helsta ástæða þess sé mikið djamm þessa helgina.
ég skellti mér á busaball á föstudaginn með Tveimur dónalegum haustum, og þeir voru alveg magnaðir.. spiluðu mörg frábær lög og eru eitt besta cover-bandið hér á landi.

í gær ákvað ég að drekka afganginn af bjór mínum frá föstudagskvöldinu.... ég faldi drykkjutöskuna sem ég fékk lánaða á föstudeginum og náði í hana í gær... ég kíkti ofan í hana og sá 4 bjóra ofaní pokanum, hugsaði með mér "ekki nóg!" og setti upp angistarsvipinn fræga. það var búið að loka "sjoppunni" at 1400 hours, þannig að ég ákvað að klára þennan bjór hratt og reyna að sníkja mér svo meira annars staðar.
það gerði ég, og var ég bara í furðu góðum fílíng um kvöldið.. það var svosem skítsæmilegt en var svalt og ekki mikið stuð.. að minnsta kosti ekki allan tímann eins og hver annar maður hafði vonað...

ég er þó svekktur með landsleikinn.. mér líður eins og við höfum tapað 0-1 með marki á 89.mín úr víti sem var algert kjaftæði... ég vildi sigur, allavega miðað við það að íslendingar voru MIKLU betri og áttu að skora 1-3 mörk.. en þetta er bara svona, hvort sem fjandinn hafi það eður ei!

en maður getur sosem verið sáttur við að ná jafntefli við Þjóðverjana, þeir voru nú einu sinni í öðru sæti á HM 2002.
við tökum þá úti í Deutschland!

I´m done for today then

take care now, bye bye then
Auf Wiedersehen

2003-08-25T11:50:00.000Z

góðan dag.. ekki búinn að skrifa í viku og einum degi meira en það... aðalástæðan er sú að sama og ekki neitt hefur gerst í millitíðinni fyrir utan það að ég fór til reykjavíkur um helgina. ég lagði af stað á fimmtudaginn og kom aftur í gær. í reykjavík var ágætt.. það var óeðlilega heitt á föstudeginum en þá skellti ég mér niðrí bæ, fékk mér sjeik og undi mér vel í sólinni ásamt símoni og villa KID.. hann var þá nýbúinn að fá sér tattú og var það ágætlega töff og flott tattú. við skelltum okkur seinna meir í bíó í kringlunni, við fórum á myndina Pirates of the Caribbean, alveg mögnuð mynd.

En skólinn byrjar á morgun kl.10.

fleiri fréttir mun síðar

2003-08-17T15:48:00.000Z

góðan daginn, dagur er risinn, og var það reyndar er ég festi svefn í nótt. í kjölfarið af fótboltaslútti meistaraflokks Hugins SFK FC. var eilítið djamm hjá knattspyrnuiðkendum þar á bæ sem og hjá fótboltabullum hér í bæ sem styðja Huginn. ég myndi þá að sjálfsögðu teljast til fótboltabullna. það var svosem alveg ágætt í gær en kom þó rigning, en það er ekki spurt að leikslokum, enginn lét þessa dropa á sig fá og skemmtu menn sér vel. gítarstemning út í Garði var mikil, og sungu menn hástöfum í langan tíma. aðalfrétt kvöldsins er sú að Erla Ólafsd. réðist að Lísu Maren með pinnhæluðum skó (að ég hef heyrt) og gaf henni eitt stórt kýli á enni. eftir það kaus ég að kalla hana "Einhyrninginn".

Nú stendur yfir knattspyrnuleikur Liverpool og Chelsea, staðan er 0-1 og var það Juan Sebastian Veron sem skoraði fyrsta mark Chelsea á leiktíðinni.

En hverjum er ekki nákvæmlega sama?? -Man Utd eru auðvitað langbestir og hafa þeir fest kaup á mögnuðum 18 ára pilti, Christiano RONALDO að nafni... hann er alveg magnaður, og það ættu þeir að vera með á hreinu sem sáu Man U bursta Bolton 4-0 í gær

En þetta er alveg nóg í bili..

we´ll bring you more news in our later hours.

2003-08-16T19:34:00.000Z

hæ, ekki búinn að skrifa síðan á mánudaginn, en er að bæta úr því núna. það sem er að frétta af mér núna er ekki neitt. ég er búinn að spila dáldið mikið D&D í þessari viku enda er það skemmtun mikil :) í kveld er eitthvað djamm.. hvort sem maður fari á egilsstaði í Þristarpartý eða kíki á stemninguna úti í Garði eftir að fótboltaslúttið verður búið... heyrst hefur að V-club verði mjög virkur seinna meir í kvöld. af ívari pétri er það að frétta að hann fékk ekki hlutverk í þættinum "atvinnumaður" (þáttur sem Þorsteinn Guðmundsson leikur í). þeir sögðu að hann liti ekki út fyrir að æfa.

SKÓLINN fer senn að byrja og verður skólinn sem ég fer í settur á þriðjudaginn 26.ágúst. það verður gaman að fylgjast með busuninni sem og að fara á busaballið :)

Herbergisskipanir hljóma svo: Böðvar P, Beggi Þ, Villi "Kid" R - Garðar B og Gummi J "tískulöggur" - Ívar P og ??? svo eitthvað sé nú nefnt. Tel ég að forystusauður Bödda, Begga og Villa verði BP en hann er einmitt rektor í sagnfræði eins og fram hefur komið á síðu minni

jæja, þá hef ég ekki meira að segja, en mun bæta fleiru við seinna.

2003-08-11T18:19:00.000Z

jæja folk mit... þá er ég ekki búinn að skrifa á þessa síðu síðan á föstudag.. enda ekki ýkja mikið að segja... síðastliðna daga hef ég mikið stundað role-play, enda er það mjög gaman. :) á laugardaginn var ball uppá Egilsstöðum, og keyrði ég upp eftir á Toyota RAV4 (magnaður bíll ;) ekki var neitt rosalegt stuð þarna (allavega ekki fyrir utan) en það má vel vera að það hafi verið gaman inni, ég fór ekki inn, nennti því ekki. ég sá Finn, hann komst ekki heim, hann var fullur.

en ég hef ekki meira að segja, þannig að ég óska ykkur góðra daga og óska ívari p góðs gengis í áheyrnarprófinu sem hann fer í á morgun fyrir þáttinn "Atvinnumaður" en það er þáttur sem Þorsteinn Guðmundsson(þessi asnalegi í Fóstbræðrum) leikur aðalhlutverkið í.

Chiao Chiao

2003-08-08T16:12:00.000Z

Góðan dag meine kinder, ich bin deine Fuhrer!! neinei.. bara að gantast... var að koma úr ægilegu ferðalagi úr Loðmundarfirði með unglingavinnunni. Við lögðum af stað í rútu í gær og þurftum að keyra í gegnum Borgarfjörð til að komast þangað, svo var farið niður á strönd, safnað saman rekaviði, plasti og allskyns dóti til að brenna og var kveikt brenna og grillað á ströndinni.. eftir það var knattspyrna og rugby spilað í sandinum, þá var tekið á. eftir þetta komum við okkur upp í Stakkahlíð, þar sem var tjaldað og slakað örlítið á. eftir það var kominn tími fyrir átökin; Óli Petturs og Elvar Lomm fóru með okkur í Role-Play, og það var alveg magnað, það var spilað fram á nótt.. mjög gaman.. svo var festur svefn og vorum við svo vakin í morgun, fólk nærði sig og svo var lagt í göngu til Seyðisfjarðar, þessi ganga tók uþb 4 klst og var bara ágæt. þannig að þetta ferðalag var bara ágætlega vel heppnað...

more news later

2003-08-06T19:18:00.000Z

jæja... þá er allt að komast í rétt horf eftir þessa helgi sem fór gersamlega með mig...
ég þarf virkilega að rembast við að rifja upp atburðarásina, bæði nótt sem dag.. og þá sérstaklega laugardaginn...
um laugardagskvöldið var svo nokkurn veginn algert blackout í 2-4 tíma, frá ca 22.20 til 00.40 eða e-ð soleiðis...
ég ætla ekkert að vera að telja upp það sem ég gerði í millitíðinni, aðallega vegna ótta við aðköst og að vera hæddur af fólki víðs vegar um heim sem les þetta...
reyndar man ég eftir því þegar ég var allt í einu kominn upp á tjaldsvæðið sem er inni í bænum þar sem einhver fáviti negldi borði í olnbogann á mér en eftir það skellti ég mér á ball með Landi og Sonum...
ágætisball (segi það líklega bara vegna þess að dómgreind mín var í miklu ójafnvægi.. eins og ég sjálfur líklega)

Einnig heyrði ég að í hlénu var Kalli-Lú að DJ-a eins og einhver asni og var mér sagt að ég hefði verið í miklu stuði þegar hann var að spila skitið techno en einhverra hluta vegna rámar mig alls ekkert í techno....

ÉG skemmti mér að minnsta kosti alveg ágætlega á þessu balli þrátt fyrir að þessi hljómsveit hafi spilað allt of mikið af sínum eigin lögum og allt of oft... þrátt fyrir það dansaði ég eins og brjálæðingur og lét mér fátt um finnast það þótt
maður væri troðinn undir af gelgjum sem vildu komast í snertingu við söngvarann sem var mjög mikill fag og neger.

En nóg um það... Á sunnudeginum var maður orðinn þreyttur og myglaður en djammaði ég engu að síður með félögum mínum (sem margir hverjir voru ekki í hinu besta ástandi, ég vill helst ekki nefna engin nöfn, en neyðist til þess sökum áskorana frá aðdáendum mínum í Taíwan og í Perú.
Siggi Ívar stóð sig best (eða verst) og þar á eftir fylgdu Bergþór og Danni "squirrel-fucker".
Bestu fréttirnar af félögum mínum úr ferðinni eru þær að Böðvar Pétursson (skammstafað BP) útskrifaðist sem rektor í sagnfræði á laugardagskvöldið.. en þessum fréttum fylgdu þó slæmar fréttir því BP lét þennan titil stíga sér til höfuðs og ekki leið á löngu þar til hann var farinn að ögra ungu fólki ásamt fuglum og músum.
Ég ætla nú ekki að skilja alveg strax við BP því eftir helgina sneri hann egói sínu ósjálfrátt við og þakkar nú fyrir að vera kallaður fituhlunkur, aumingi og fleira illt.. Þannig að ráðlegging mín til ykkar í þessari viku er að hrósa honum í öfugmælum, og segja til dæmis við hann: "djöfull ertu ógeðslega feitur" og fleira þvíumlíkt.
Með þessari frábæru ráðleggingu vikunnar kveð ég í dag og óska ykkur öllu hinu versta í komandi ágúst-prófum sem hefjast um helgina.

2003-08-05T01:18:00.000Z

jæja.. þá er hinni margumrómuðu helgi, verslunarmannhelgi, lokið. mínu ferðalagi var heitið til Akureyrar og hófst það eftir hádegi föstudaginn 1.ágúst. á leiðinni lentum við oft í vandræðum með bílinn (þeas að aftan, bíllinn var hlaðinn miklum vökva sem einhverra hluta vegna var nauðsynlegur í ferðina), einnig átti ég í útistöðum við hjólreiðamann og enduðu þær á því að ég bar sigur úr býtum með því að kasta muffins-köku í hann, en þegar hann hjólaði framhjá okkur hristi hann hausinn og var greinilega ekki sáttur við framkomu. en þrátt fyrir þetta mótlæti þessa brjálaða hjólreiðamanns komumst við heilu og höldnu til Akureyrar, og var það (að ég held) um kl.17:00 að staðartíma. eftir að hafa borðað og farið í sund leituðum við okkur að svefnstað, og það var hægara sagt en gert: fyrst kíktum við á tjaldsvæðið inni í bæ en þar var einnig mikið mótlæti í fólki, mér var ekki hleypt inn sökum þess að ég er ekki orðinn 18 ára. því næst kíktum við á 2 gistiheimili en þar var sama sagan, mikið mótlæti í garð okkar, allir túristarnir búnir að taka af okkur allt pláss þar, og á flestum ef ekki öllum gistiheimilum þarna fyrir norðan. eftir þetta brunuðum við upp í kjarnaskóg, tjölduðum og skelltum okkur í bæinn, þar var mikið um pústra en einnig drykkju, skemmtun, tónlist og fleira frábært. um nóttina fékk Sindri Bóndi gistingu í tjaldi mínu staðsettu í Kjarnaskógi, og var hann krýndur Skallapumpari ársins eftir að hann hafði pumpað lofti í vindsæng með höfði sínu. ég nenni ekki að skrifa svona nákvæmt um hina dagana þannig að til að gera langa sögu stutta voru aðalatriðin þessi:
Föstudagur: koma til Akureyrar - mikið mótlæti "SUMRA" - DJAMM!! - krýning Skallapumpara ársins
Laugardagur: DJAMM!! - DJAMM!! - far hjá móður Þórunnar fásk uppá tjaldsvæði
Sunnudagur: DjamM - loks svefn rétt fyrir klukkan 8
Mánudagur: vakna við FM 95,7 - ÞYNNKA & ÞREYTA!! - keyrsla austur

í heildina litið var þetta ágætishelgi, djamm með meiru, ég missti reyndar af fullkomnu tækifæri til að fara á tónleika með Mínus og Brain Police (sem var slæmt) en ágætis helgi þrátt fyrir þreytu og þynnku, en hey! það fylgir jú því að skemmta sér, er það ekki? a.m.k með áfengi ;-)

2003-07-30T20:07:00.000Z

góða kveldið.. ágætisdagur búinn... það var sól til að byrja með en þokan læddi sér inn eftir hádegið.. en nú er bara skýjað þegar líða tekur á kvöld. nú nálgast verzlunarmannahelgin og fílingurinn er kominn í mann.. það er bara spurning um hvernig veðrið verður, það er spáð rigningu en maður verður að láta sig hafa það :/

2003-07-29T23:24:00.000Z

jamm..... ég er að reyna að gera eitthvað sæmilegt við þessa síðu en það gengur hroðalega illa. en það er nú í lagi og ég held bara áfram að reyna :-)

2003-07-29T19:54:00.000Z

"Test begun" já hæ. eg var bara að búa til þessa blog síðu... allt er í góðu, ömurlegt veður sem og andrúmsloft á heimilinu, og allir í góðum fíling. "Test completed"